हेटौंडाः हेटौंडा–११ स्थित क्षीरसागर दुग्ध उत्पादक सहकारी संस्था लिमिटेडको अध्यक्षमा पुनः शालिकराम पुडासैनी चयन हुनुभएको छ । शुक्रबार भएको सहकारीको छैटौँ साधारणसभाबाट पुडासैनीको अध्यक्षतामा नयाँ सञ्चालक समिति चयन भएको सहकारीका व्यवस्थापक देवकुमार श्रेष्ठले जानकारी दिनुभयो ।
समितिको उपाध्यक्षमा बासुदेव पौडेल, सचिवमा तारादेवी कप्रौला, सहसचिवमा गीता राना र कोषाध्यक्षमा जम्बरबहादुर बानियाँ चयन हुनुभएको छ । समितिको सदस्यमा पूर्णकुमारी बस्नेत, मञ्जु बिडारी, भीमसेन हुमागाई, तेजराज रिमाल र लीलानाथ अगस्ती चयन हुनुभएको छ । यसैगरी सहकारीको लेखा सुपरिवेक्षण समितिको संयोजकमा कृष्णप्रसाद खनाल र सदस्यहरुमा धर्मेन्द्र भट्ट र सावित्री गजुरेल चयन हुनुभएको छ । सञ्चालक समितिको कार्यकाल ४ वर्षको रहनेछ ।
सहकारीमा सबैभन्दा बढी दूध बिक्री गर्ने पुण्यकुमारी बस्नेत प्रथम, श्रीरामभक्त गिरी द्वितीय, उद्धवप्रसाद गजुरेल तृतीय, हरिमाया पण्डित र सावित्री हुमागाईं सान्त्वना हुन सफल भएकोमा संस्थाले सम्मान गरेको श्रेष्ठले जानकारी दिनुभयो । १ सय २७ जना शेयर सदस्य रहेको सहकारीको शेयर पुँजी ५ लाख ६९ हजार ९ सय रुपैयाँ रहेको छ । सहकारीको कारोबार २ करोड २४ लाख ९४ हजार रुपैयाँ रहेको छ ।
सहकारीका अध्यक्ष पुडासैनीको सभाध्यक्षता तथा हेटौंडा उपमहानगरपालिका उपमेयर राजेश बानियाँको प्रमुख आतिथ्यमा कार्यक्रम भएको हो । कार्यक्रममा हेटौंडा–११ का वडा अध्यक्ष जुना दाहाल, सदस्य गीता सुनार, हेटौंडा उपमहानगरपालिका सहकारी महाशाखा प्रमुख हिमप्रसाद पौडेललगायतको उपस्थिति रहेको थियो ।
