हेटौंडाः हेटौंडा इन्फिल्डर्स मकवानपुरले मकवानपुरको राक्सिराङ गाउँपालिका–२ कुँडुलेका चेपाङहरुलाई न्यानो कपडा वितरण गरेको छ । राक्सिराङ गाउँपालिका २ का वडा अध्यक्ष बुद्धिराम मोक्तानको उपस्थितिमा शनिबार ८० जनालाई कपडा वितरण गरेको हेटौंडा इन्फिल्डर्स मकवानपुरका अध्यक्ष राजक शाहीले जानकारी दिनुभयो ।
जाडोमा लगाउने ज्याकेट, ट्राउजर, स्वेटर र हुडीहरु गरी करिव २ लाख ५० हजार रुपैयाँ बराबरको कपडा वितरण गरेको शाहीले जानकारी दिनुभएको छ । हेटौँडा बजारका फेन्सी पसलहरुबाट कपडा संकलन गरिएको थियो । व्यवसायीहरु अर्जुन चौधरी, सञ्जय तामाङ्, शान्ताकुमार श्रेष्ठ, कुमार अधिकारी, मन्नु सलाउदी मिया, ओम चौलागाई, सज्जन गौतम, रवि शर्मा कँडेल, बिपिन ताम्राकार, अनिल श्रेष्ठ र राजक शाहीले कपडा सहयोग गरेका थिए ।
