हेटौंडाः मकवानपुर प्रहरीले हेटौंडा–१५, रातोमाटेबाट लागुऔषध गाँजासहित २ जना भारतीय नागरिकलाई पक्राउ गरेको छ । पक्राउ पर्नेमा भारत विहार राज्यको मोतिहारीका ३७ वर्षीय जितेन्द्र जैसवाल र ३८ वर्षीय मनोज कुमार दास रहेको जिल्ला प्रहरी कार्यालय मकवानपुरले जानकारी दिएको छ ।
शुक्रबार बिहान ८ बजेर २० मिनेटको समयमा प्रहरी चौकी रातोमाटेबाट खटिएको प्रहरी टोलीले चितवनबाट वीरगञ्जतर्फ जाँदै गरेको ना ४ ख ५९२२ नंम्बरको यात्रुवाहक बसलाई सुरक्षाजाँच गर्दा बसमा सवार उनीहरुको साथबाट लुकाई छिपाई ल्याएको लागुऔषध गाँजा ४ केजी फेला पारी प्रहरीले नियन्त्रणमा लिएको हो । लागुऔषध गाँजासहित दुवै जनालाई नियन्त्रणमा लिएर थप अनुसन्धानको लागि जिल्ला प्रहरी कार्यालय मकवानपुर राखिएको छ ।
