हेटौँडाः जेसीआई बस्तीपुर हाँडीखोलाको अध्यक्षमा अमृत पाठक निर्वाचित हुनुभएको छ । शनिबार सम्पन्न साधारणसभाबाट वर्ष २०२४ का लागि सर्वसम्मत पाठक अध्यक्ष निर्वाचित हुनुभएको हो ।
साधारणसभाबाट कार्यकारिणी उपाध्यक्षमा हरेराम हटुवाल (निर्मल) र सञ्जोग उप्रेती निर्वाचित हुनुभएको छ भने उपाध्यक्षमा लोक लामा मोक्तान, रविन लामा, सोवित वाईबा र दिनेश चौलागाई निर्वाचित हुनुभएको छ । जेसीजमा अध्यक्ष एकजना, कार्यकारिणी उपाध्यक्ष दुइजना र उपाध्यक्ष चार जना प्रत्यक्ष निर्वाचित हुने र अन्य पदहरु मनोनित हुने व्यवस्था छ । पदस्थापनको समयमा अध्यक्षले महासचिव, कोषाध्यक्ष, कानुनी सल्लाहकारलगायत अन्य पदमा जेसीज सदस्यलाई मनोनित गर्ने व्यवस्था छ ।
