हेटौंडाः पूर्वी मकवानपुरको बागमती गाउँपलिका–६, फारपरबारीस्थित जनता माविको प्रधानाध्यापक (प्रअ) मा दिनेश माझी नियुक्त हुनुभएको छ । आइतबार विद्यालय व्यवस्थापन समितिको बैठकले माझीलाई प्रधानाध्यापक नियुक्त गरेको हो ।
यसअघि सहायक प्रधानाध्यापकको जिम्मेवारी सम्हालिरहनुभएका माझीले प्रधानाध्यापकको जिम्मेवारी पाउनुभएको हो । उहाँले २०७६ पुसदेखि विद्यालयको सहायक प्रधानाध्यापकको जिम्मेवारी सम्हाल्नुभएको थियो । यसअघिका प्रधानाध्यापक यादवराज बराल सरुवा भएसँगै विद्यालयमा प्रधानाध्यापकको पद रिक्त थियो । बरालले गत बैशाखदेखि प्रधानाध्यापकको जिम्मेवारी सम्हाल्दै आइरहनुभएको थियो ।
प्रधानाध्यापकको जिम्मेवारी पाउनुभएका माझीले आफूले विद्यालयको सम्पूर्ण गतिविधिको बारेमा जानकार रहेको बताउनुहुँदै शिक्षामा थप सुधार गर्ने आफ्नो लक्ष्य रहेको बताउनुभएको छ । कक्षा १२ सम्म अध्ययन अध्यापन हुने विद्यालयमा १ हजार १ सयभन्दा बढी विद्यार्थी अध्ययनरत छन् ।
