हेटौंडाः मकवानपुरको बामगती गाउँपालिकामा टिपरले मोटरलाईकललाई ठक्कर दिँदा मोटरसाइकलमा सवार दुई जना घाइते भएका छन् । शुक्रबार दिउँसो ३ बजेर ३५ मिनेटको समयमा सिन्धुलीबाट हेटौंडातर्फ आउँदै गरेको ग १ क ६००७ नम्बरको ट्रिपरले बागमती प्रदेश ०२–०४० प ५७५३ नम्बरको मोटरसाइकललाई ठक्कर दिँदा मोटरसाइकलका चालक भक्तपुर चागुनारायण नगरपालिका–९ का ४७ वर्षीय सरोज थापा र उनकै श्रीमती ४५ वर्षीया भारती थापा घाइते भएको जिल्ला प्रहरी कार्यालय मकवानपुरले जनाएको छ ।
घाइते श्रीमान श्रीमतीलाई उपचारको लागी बागमती गाउँपालिका–४ झुरझुरे स्थित सानवि मेडिकलमा लगिएको छ । घाइते दुवैको अवस्था मध्यम रहेको प्रहरीले भनाई छ । ठक्कर दिएर फरार रहेको ट्रिपर र चालकलाई खोजतलास गर्दै जाने क्रममा बागमती गाउँपालिका–७ लामिटारमा ल्वाङ लामाको घरमा पार्किङ गरि राखेको अवस्थामा नियन्त्रणमा लिएको प्रहरीले जनाइएको छ ।
