हेटौँडाः हेटौँडा–१३, वनस्पतीमा बलात्कारपीडित एक युवतीले आत्महत्या प्रयास गरेकी छिन् । पुस ६ गते बिहान ४ बजेको समयमा २२ वर्षीया युवतीको घरमै पुगेर स्थानीय २५ वर्षीय रोशन लामा भ्लोनले बलात्कार गरेको र कसैलाई भन्यो भने राम्रो हुनेछैन भनी धम्क्याएपछि पीडित युवतीले सोही दिन बिहान ७ बजे विष सेवन गरेको बताएकी छिन् ।
विष सेवन गरेकी युवतीलाई हेटौँडा अस्पतालमा उपचारका लागि लगिएको र थप उपचारका लागि भरतपुरस्थित पुरानो मेडिकल कलेज लगिएको थियो । उपचारपछि आफ्नी आमालाई घटनाबारे जानकारी गराएको पीडित युवतीले मंगलबार पुस १० गते जिल्ला प्रहरी कार्यालयमा जाहेरी दर्ता गराएकी छिन् ।
युवतीको जाहेरीका आधारमा प्रहरीले बलात्कार अभियोगमा २५ वर्षीय रोशन लामा भोम्जनलाई प्रहरीले पक्राउ गरेको छ । प्रहरीले भने अनुसन्धान भइरहेकोले विस्तृत विवरण दिन नमिल्ने जनाएको छ । मकवानपुरका प्रहरी नायव उपरीक्षक लक्ष्मी भण्डारीले घटनाबारे अनुसन्धान भइरहेको बताउनुभएको छ ।
