हेटौंडाः नेपाली कांग्रेस मकवानपुरको प्रथम जिल्ला सम्मेलन सुरु भएको छ । मंगलबार हेटौंडामा नेपाली कांग्रेस केन्द्रीय समितिका प्रवक्ता तथा नेपाल सरकार अर्थमन्त्री डा. प्रकाशशरण महतको प्रमुख अतित्थ्य तथा नेपाली कांग्रेस मकवानपुरका सभापति बुद्ध लामाको अध्यक्षता सम्मेलनको उद्घाटन कार्यक्रम भएको हो ।
सम्मेलनमा नेपाली कांग्रेस केन्द्रीय सहमहामन्त्री महालक्ष्मी उपाध्य (डिना), नेपाली कांग्रेस बागमती प्रदेश समितिका सभापति तथा बागमती प्रदेश सभा सदस्य ईन्द्र बहादुर बानियाँ, नेपाली काङ्ग्रेस केन्द्रीय सदस्य तथा बागमती प्रदेश सरकारका अर्थमन्त्री बहादुर सिं लामा, नेपाली कांग्रेस केन्द्रीय सदस्य मदन अमात्य, कांग्रेस नेता गुरुराज घिमिरे, बागमती प्रदेश सरकारका स्वास्थ्य मन्त्री उत्तम जोशी, नेपाली कांग्रेस केन्द्रीय सदस्य दिलमान पाख्रिन लगायत कार्यकर्ताहरुको उपस्तिथिमा प्रथम जिल्ला सम्मेलन सुरु भएको छ ।
कांग्रेस मकवानपुरको सम्मेलन उद्घाटन गर्नुहुँदै डा. प्रकाशशरण महत ।
