हेटौंडाः मकवानपुर प्रहरीले हेटौंडा–१५ फारलाईनबाट लागुऔषध ब्राउन सुगरसहित २ जनालाई पक्राउ गरेको छ । पक्राउ पर्नेमा हेटौँडा–८ कमानेका २७ वर्षीय विवेक वाईबा र भीमफेदी गाउँपालिका–२ का २९ वर्षीय सुरज मगर रहेको बागमती प्रदेश प्रहरी कार्यालय हेटौंडाले जानकारी दिएको छ ।
विशेष सुचनाको आधारमा सोमबार साँझ ५ बजेर ३० मिनेटको समयमा प्रहरी टोलीले सुरक्षाजाँच गर्दा उनीहरुको साथबाट ब्राउन सुगर ३ ग्राम बरामद भएको प्रहरीले जानकारी दिएको छ । प्रहरीले वाईबा र मगरको साथमा रहेको ना ४५ प ५२१६ नम्बरको मोटरसाइकल नियन्त्रणमा लिई अनुसन्धानका गरिरहेको जनाएको छ ।
