हेटौंडाः स्वर्गीय आशिष ढकालको सम्झनामा हेटौंडा–१८ हर्नामाडीमा रहेको गोरक्षनाथ माविमा ५५ जना विद्यार्थीलाई झोला वितरण गरिएको छ । आइतबार ढकालको परिवारले कक्षा १ र २ मा अध्ययन गर्ने ५५ जना विद्यार्थीहरुलाई झोला दिएको विद्यालयको प्रधानाध्यापक मिना श्रेष्ठले जानकारी दिनुभयो ।
झोला वितरण कार्यक्रममा विद्यालय व्यवस्थापन समितिका अध्यक्ष शैलेन्द्र बानियाँ तथा विद्यालयकी प्रधानाध्यापक मिना श्रेष्ठ लगायत विद्यालयका शिक्षक, विभिन्न संघसस्थाको प्रतिनिधि र अभिभावकको उपस्थिति रहेको थियो । १० कक्षासम्म पठनपाठन हुने विद्यालयमा ३ सय ४० जना विद्यार्थी अध्ययनरत छन् ।
