हेटौंडाः हेटौंडा–१६, पानीस्वाँरामा बिजुलीको तार सर्ट भई आगलागी हुँदा ६ लाख बराबरको क्षति भएको छ । आइतबार बिहान ११ बजेको समयमा स्थानीय मान बहादुर घलानको एक तल्ले कच्ची घरमा बिजुलीको तार सर्ट भई आगलागी भएको बागमती प्रदेश प्रहरी कार्यालय हेटौंडाले जानकारी दिएको छ ।
आगलागी हुँदा घर भित्र रहेको भाँडाकुँडा, अन्नपातहरु पूर्णरुपमा जलेर नष्ट हुँदा ६ लाख बराबरको क्षति भएको थियो । आगलागीबाट मानवीय तथा चौपाया क्षति नभएको र आगो स्थानीयको सहयोगमा ३ बजे पूर्णरुपमा नियन्त्रणमा लिएको प्रहरीले जानकारी दिएको छ ।
