हेटौंडाः नेकपा एमाले निकट अखिल नेपाल महिला (अनेम) संघ मकवानपुरको १४ औँ अधिवेशन आज आइतबार हुँदैछ । हेटौंडा–४ स्थित पशुपति सभाहलमा हुने अधिवेशन दिउँसो १२ बजेर ३० मिनेटदेखि सुरु हुँदैछ ।
अनेम संघ हेटौंडा नगर कमिटीका अध्यक्ष रञ्जिता सिलवालका अनुसार अहिले पार्टी कार्यालयबाट र्याली निकालेर अधिवेशन आयोजनास्थलमा पुगेपछि कार्यक्रम सुरु गरिनेछ । हिजो शनिबारदेखि सुरु भएको महिला हिंसाविरुद्धको १६ दिने अभियान अन्तर्गत ¥याली निकाल्न लागिएको उहाँले बताउनुभयो ।
अधिवेशनले नयाँ कार्यसमिति चयन गर्नेछ । विधान अनुसार ५१ सदस्यीय जिल्ला कमिटी गठन हुने व्यवस्था रहेको उहाँले बताउनुभयो । नयाँ कार्यसमितिको कार्यकाल ३ वर्षको हुनेछ । अधिवेशनमा अनेमसंघकी केन्द्रीय अध्यक्ष टुक्का हमालसहित पार्टीका केन्द्रीय सदस्य, प्रदेश कमिटी र जिल्ला कमिटीका नेताकार्यकर्ताहरुको उपस्थिति रहने जनाएको छ ।
