हेटौंडाः मकवानपुरको मकवानपुरगढी गाउँपालिका–१ रानीशेरामा बारीमा एक जना महिला मृत फेला परेकी छन् । मृत्यु हुनेमा सोही ठाउँकी ६२ वर्षीया विष्णुमाया बम्जन रहेको जिल्ला प्रहरी कार्यालय मकवानपुरका प्रहरी नायव उपरीक्षक लक्ष्मी भण्डारीले जानकारी दिनुभयो ।
बुधबार साँझ ५ बजेको समयमा बम्जन घरदेखी २ सय मिटर दक्षिणमा रहेको आफ्नै बारीमा लडी मृत अवस्थामा फेला परेको थियो । सोमबार बेलुका घरबाट हिडेकी बम्जनले बेला बेलामा मादक पदार्थ सेवन गर्ने गरेको प्रहरीको भनाई छ । बम्जनको शव पोष्टमार्टमका लागि हेटौंडा अस्पतालमा रहेको र घटनाबारे थप अनुसन्धान भइरहेको प्रहरीले जनाएको छ ।
