हेटौँडाः नक्कली नेपाली नोटसहित मकवानपुर प्रहरीले हेटौँडा–६ का ३० वर्षीय देवराज चौलागाईलाई पक्राउ गरेको छ ।
बिहिबार दिउँसो २ बजेर ५० मिनेटको समयमा हेटौँडा बजारबाट चुरियामाईतर्फ जाँदै गरेको प्र २–०३–००९ प ३८९८ नम्बरको स्कुटरलाई सुरक्षाजाँच गर्ने क्रममा स्कुटर चालक देवराजको साथबाट नेपाली नक्कली रुपैयाँ पाँच सय दरका २० थान बरामद भएको प्रहरीले जनाएको छ । प्रहरीले देवराजलाई हिरासतमै राखी अनुसन्धान गरिरहेको जनाएको छ ।
