हेटौँडाः मकवानपुर प्रहरीले पूर्व–पश्चिम राजमार्ग अन्तर्गत हेटौँडा–१५, चुरीयामाई पिपल चौताराबाट अवैध पटाका र चिनी नियन्त्रणमा लिएको छ ।
मंगलबार बिहान ९ बजेर १५ मिनेटको समयमा प्रहरी चौकी रातोमाटेबाट खटिएको प्रहरी र सशस्त्र प्रहरी समेतको संयुक्त टोलीले बीरगन्जबाट हेटौंडा आउँदै गरेको बा ४९ प १२८० नम्बरको मोटरसाइकललाई सुरक्षाजाँच गर्दा मोटरसाइकलमा ल्याएको अवैध चिनी ५० किलो र लुकाई ल्याएको १६ पोका पटाका फेला पारेको छ । अवैध पटाका र चिनी नियन्त्रणमा लिई मोटरसाइकललाई छाडिएको प्रहरीले जानकारी दिएको छ ।
