हेटौंडाः दोलखा जिल्लाको भिमेश्वर नगरपालिका–७ चरङ्गमा मोटरसाइकल आफै अनियन्त्रित भई पल्टिदा चालकको मृत्यु भएको छ । मृत्यु हुनेमा गौरिशंकर गाउँपालिका–५ सुरीका ४० वर्षीय रामकुमार खड रहेको बागमती प्रदेश प्रहरी कार्यालय हेटौंडाले जानकारी दिएको छ ।
मंगलबार बिहान ११ बजेको समयमा काठमाडौंबाट चरीकोट जाँदै गरेको बा प्र ०२–०४४ प ६८८३ नम्बरको मोटरसाइकल आफै अनियन्त्रित भई पल्टिदा खड गम्भिर घाइते भएको थिए । घाइते खडलाई उपचारको लागि सामुदायिक अस्पताल चरिकोट लगिएकोमा उपचारको क्रममा बिहान ११ बजेर ४५ मिनेटको समयमा मृत्यु भएको प्रहरीले जनाकारी दिएको छ ।
