हेटौंडाः चितवन जिल्लाको खैरहनी नगरपालिका–१ बहेरा चोकमा बसले स्कुटरलाई ठक्कर दिँदा स्कुटर चालकको मृत्यु भएको छ । मृत्यु हुनेमा सिन्धुपाल्चोक जिल्ला सुनकोशी गाउँ पालिका–५ का २३ वर्षीय आन्न लामा रहेको प्रदेश प्रहरी कार्यालय हेटौंडाले जानकारी दिएको छ ।
बिहीबार साँझ ६ कजेको समयमा पुर्वबाट पश्चिम जाँदै गरेको बा ९६ प ३६३४ नम्बरको स्कुटरलाई बिपरित दिशाबाट जाँदै गरेको बा ३ ख २३५४ नम्बरको बसले ठक्कर दिँदा लामा गम्भिर घाईते भएका थिए । घाइते लामालाई उपचारको लागि पुरानो मेडिकल कलेज भरतपुर लगिएकोमा ६ बजेर ३५ मिनेटमा मृत घोषणा गरेको प्रहरीले जनाएको छ । बस र चालक प्रहरीले नियन्त्रणमा लिएको छ ।
