हेटौंडाः मकवानपुर प्रहरीले तास खेलीरहेका ९ जना मानिसलाई नियन्त्रणमा लिएको छ । बिहिबार साँज साढे ५ बजेको समयमा हेटौंडा–७, देवी बन टोल स्थित गोकुल नाथ पौडेलको घरमा ठुलो रकम सहित तास खेलिरहेको अवस्थामा नियन्त्रणमा लिएको जिल्ला प्रहरी कार्यालय मकवानपुरले जनाएको छ ।
पक्राउ पर्नेमा हेटौंडा–८, बस्ने अजय खड्का, मंदिप पौडेल, रोहित कुमार के.बी., भरत तितुङ, हेटौंडा–७, बस्ने रुपक चौलागाई, बिरेन्द्र खत्री, सबिन चौलागाई, गोकुल नाथ पौडेल र हेटौंडा–१५ बस्ने ओम घलान रहेको प्रहरीले जनाकारी दिएको छ । उनिहरुलाई प्रहरीले ४ लाख ६५ हजार ३ सय ९० रुपैयाँ नगद सहित तास खेलिरहेको स्थानबाट नियन्त्रणमा लिएको हो ।
