हेटौंडाः मकवानपुर प्रहरीले हेटौंडा–१५ बाट लागुऔषध गाँजासहित २ जनालाई पक्राउ गरेको छ । पक्राउ पर्नेमा हेटौंडा–१५, रातोमाटेका ३८ वर्षीय धनराज घलान र ३१ वर्षीय विवेक भोम्जन रहेको प्रदेश प्रहरी कार्यालय हेटौंडाले जानकारी दिएको छ ।
मंगलबार बेलुका ८ बजेर ४० मिनेटको समयमा हेटांैडाबाट पथलैयातर्फ जाँदै गरेको बा प्र ०३–००५ प ६८१६ नम्बरको मोटरसाइकललाई सुरक्षाजाँच गर्दा मोटरसाइकल चालक घलान र पछाडि सवार भोम्जनको साथबाट लागुऔषध गाँजा २ किलो फेला पारेको थियो । लागुऔषध गाँजासति २ जनालाई नियन्त्रणमा लिई अनुसन्धान भइरहेको प्रहरीले जनाएको छ ।
