हेटौंडाः हेटौंडा–१० स्थित वनविज्ञान क्याम्पसको जंगलमा एकजना पुरुष व्यक्तिको शव झुण्डिएको अवस्थामा बरामद भएको छ । आज दिउँसो स्थानीयले झुण्डिएको अवस्थामा शव देखेपछि प्रहरीलाई खबर गरेका थिए । प्रहरीले अहिले शव निकाल्ने कार्य गरिरहेको छ ।
सर्वसाधारणको बाक्लो आउजाउ हुने सडकबाटै देखिने शव कुहिएर गन्हाउने अवस्थाको छ । सडकबाट नजिकै देखिने स्थानमा झुण्डिएको शव गन्हाउने अवस्थासम्म नदेखिएको भन्दै स्थानीयले घटना शंकास्पद भएको बताएका छन् । जिल्ला प्रहरी कार्यालय मकवानपुरको अपराध अनुसन्धान शाखाका प्रहरीले अनुसन्धान सुरु गरेको छ ।
