हेटौँडाः हेटौँडा–४, रिजाल प्लाजास्थित आकर्षण व्युटीपार्लर एण्ड ट्रेनिङ सेन्टरले १९ औँ वार्षिकोत्सव मनाएको छ । शनिबार हेटौँडामा हेटौँडा उपमहानगरपालिकाकी प्रमुख मीना कुमारी लामाको प्रमुख आतिथ्यमा वार्षिकोत्सव समारोह भएको हो ।
आकर्षण व्युटीपर्लारकी संस्थापक सञ्चालक अस्मिता श्रेष्ठको सभाध्यक्षमा सम्पन्न कार्यक्रममा ४ नम्बर वडा अध्यक्ष नवीन सिग्देल, हेटौँडा स्कुल अफ म्यानेजमेन्टका प्रिन्सीपल पुरन बहादुर जोशीको पनि आतिथ्य रहेको थियो ।
