हेटौँडाः पूर्व–पश्चिम राजमार्गअन्तर्गत हेटौँडा–१५, रातोमाटेस्थित प्रहरी चेकपोष्टबाट लागुऔषधसहित दुईजना पक्राउ परेका छन् ।
सोमबार साँझ ६ बजेर ४५ मिनेटको समयमा प्रहरीले सुरक्षाजाँच गर्ने क्रममा बीरगन्जबाट हेटौँडातर्फ आउँदै गरेको ना १ ज ६३९० नम्बरको यात्रुबाहक माईक्रोलाई रोकी सुरक्षाजाँच गर्ने क्रममा उक्त लागुऔषध डाईजेपाम–१० एम्पुल, फेनार्गन–१० एम्पुल, नुर्फिन–१० एम्पुलसहित माईक्रोचालक हेटौँडा–१० का २७ वर्षीय सुजल खड्का, र माइक्रोमा सवार हेटौँडा–१ का ३० वर्षीय सुशील अर्याललाई नियन्त्रणमा लिइएको प्रदेश प्रहरी कार्यालय हेटौंडाले जानकारी दिएको छ । दुबैजनालाई हिरासतमा राखी अनुसन्धान गरिरहेको प्रहरीले जनाएको छ ।
