हेटौंडाः गजल मञ्च मकवानपुरको आयोजनामा २०४ औं नियमित गजल यात्रा शनिबार सम्पन्न भएको छ । कार्यक्रम गजल मञ्च मकवानपुरका अध्यक्ष केशव समर्पणको सभाध्यक्षता तथा साहित्यकार डा. शैलेन्द्र प्रकाश नेपालको प्रमुख आतिथ्यमा भएको थियो ।
कार्यक्रममा राज तिवारी, एस लामा, पुरुषोत्तम आचार्य, अनिल कोइराला, रोशनी चौलागाई, सानु खनाल, मसान उपासक, सुवास सजल, हयग्रीव आचार्यलगायतले गजल वाचन गर्नुभएको थियो । गजल मञ्च मकवानपुरले हरेक महिनाको पहिलो शनिबार गजल यात्रा आयोजना गर्दै आएको छ ।
