हेटौंडाः हेटौंडा–१० स्थित बसपार्कबाट लागुऔषध गाँजासहित २ जना पक्राउ परेका छन् । पक्राउ पर्नेमा भारत रक्सौलका ४५ वर्षीया कृष्णा देवी बनियाँ र ६५ वर्षीय छटु राम रहेको प्रदेश प्रहरी कार्यालय हेटौंडाले जानकारी दिएको छ ।
शुक्रबार दिउँसो १ बजको समयमा पैदल हिडिरहेका बनियाँ र रामलाई शंका लागि सुरक्षाजाँच गर्दा उनीहरुको साथबाट २ किलो लागुऔषध गाँजा फेला पारेको प्रहरीले जनाएको छ । लागुऔषध गाँजासहित दुवै जनालाई नियन्त्रणमा लिएर थप अनुसन्धान गरिरहेको जनाएको छ ।
