हेटौँडाः काभ्रे जिल्लाको पाँचखाल नगरपालिका–४, तामाघाटमा दुईवटा टिफर एक आपसमा ठोकिँदा एक जनाको मृत्यु भएको छ । मृत्यु हुनेमा रामेछाप जिल्ला दोरम्बा गाउँपालिका–१ का ३८ वर्षीय मियौ लामा रहेको प्रदेश प्रहरी कार्यालय हेटौँडाले जानकारी दिएको छ ।
बुधबार पाँचखालबाट जिरोकिलो जाँदै गरेको बा २ क ३७६९ नम्बरको खाली टिफर र बिपरित दिशाबाट आउँदै गरेको बा प्र ०१–००४ क १४७८ नम्बरको टिफर ठोकिँदा बा २ क ३७६९ नम्बरको टिफर चालक लामा गम्भीर घाइते भएका थिए । घाइते लामालाई उपचारका लागि धुलिखेल अस्पताल लगिएकोमा उपचारको क्रममा मृत्यु भएको प्रहरीले जनाएकोे छ । दुवै टिफर र चालक नियन्त्रणमा लिई थप अनुसन्धान भइरहेको प्रहरीले जनाएको छ ।
