हेटौँडाः सिन्धुपाल्चोक जिल्लाको हेलम्बु गाउँपालिका–२, चित्रेमा सिँचाईको कुलोमा डुबेर एक जनाको मृत्यु भएको छ । मृत्यु हुनेमा ६५ वर्षीय च्याङा लामा रहेको प्रदेश प्रहरी कार्यालय हेटौँडाले जानकारी दिएको छ ।
लामा बुधबार दिउँसो ४ बजेर ३५ मिनेटको समयमा गोरेटो बाटो नजिकै रहेको सिँचाईको कुलोमा डुबी मृत अवस्थामा फेला परेका थिए । स्थानीयका अनुसार लामा अत्याधिक मादकपदार्थ सेवन गर्ने गरेका थिए । लामाको शव मुचुल्का पश्चात पोष्टमार्टमका लागि मेलम्ची अस्पताल लगिएको प्रहरीले जनाएको छ ।
