हेटौंडाः मकवानपुर प्रहरीले लागुऔषध नाइट्रोभेट १३ टयाबलेटसहित एक जनालाई पक्राउ गरेको छ । पक्राउ पर्नेमा काभ्रे जिल्लाको पाँचखाल नगरपालिका–७ का २३ वर्षीय विवेक सापकोटा रहेको बागमती प्रदेश प्रहरी कार्यालय हेटौंडाले जनाएको छ ।
प्रहरीले सापकोटालाई आइतबार राति ८ बजेर ३० मिनेटको समयमा हेटौंडा–१५ रातोमाटोबाट उक्त लागुऔषधसहित पक्राउ गरेको हो । प्रहरी टोलीले वीरगञ्जबाट चितवन जाँदै गरेको ना ६ ख ५६७७ नम्बरको बसलाई सुरक्षाजाँच गर्दा बसमा सवार सापकोटाको साथबाट टयाबलेट बरामद गरी उनलाई नियन्त्रणमा लिएर आवश्यक अनुसन्धानका लागि जिल्ला प्रहरी कार्यालय मकवानपुरमा ल्याइएको थियो ।
