हेटौँडाः पूर्वपश्चिम राजमार्गअन्तर्गत हेटौँडा–११, नवलपुरमा बस दुर्घटना भएको छ । दुर्घटनामा ४८ जना घाइते भएका छन् ।
शुक्रबार मध्यान्ह १२ बजेर ४० मिनेटको समयमा नारायणघाटबाट जनकपुर जाँदै गरेको ना ६ ख ९८०४ नम्बरको बस आफै अनियन्त्रित भई बाटोबाट तल खसेको थियो ।
बसमा सवार घाइतेहरुलाई हेटौंडा अस्पातल र चुरेहिल अस्पतालमा उपचार भइरहेको छ । चुरेहिलमा २० जनाको उपचार भइरहेको छ भने हेटौँडा अस्पतालमा २७ जना उपचारको भइरहेको छ ।
