हेटौँडाः आयोजक विजय युथ क्लबको आयोजनामा हेटौँडामा भएको विजय युथ गोल्डकप फुटबल प्रतियोगिताको उपाधी जितेको छ । शुक्रबार हेटौंडा–५ स्थित पिप्ले क्याम्पा रंगशालामा भएको फाइनलमा खेलमा पदमपोखरी युनाइटेडलाई २–१ गोलले हराउँदै आयोजक विजय युथले उपाधी जितेको हो ।
आयोजक विजय युथलाई उपाधी दिलाउन हिसुप थपलियाले दुई गोल गरे । उनले खेलमा ३७ औं र ४४ औं मिनेटमा गोल गरेको हो । खेलको म्यान अफ द म्याच थपलिया घोषित भए । पदमपोखरीका लागि दिपेश आले मगरले एक गोल गरे पनि टिमलाई हारबाट जोगाउन भने सकेनन् । विजेता विजय युथले २ लाख रुपैयाँसहित शिल्ड, मेडल तथा प्रमाणपत्र प्राप्त गरेको छ भने उपविजेता पदमपोखरीले १ लाख रुपैयाँ चित्त बुझाएको छ ।
प्रतियोगिताको सर्बोत्कृष्ट खेलाडी विजय युथका हिसुप थपलिया घोषित भए । उनले १० हजार रुपैयाँसहित ५ लाख रुपैयाँ बराबरको विमा सेवा प्राप्त गरेको छ । यस्तै प्रतियोगिताको उत्कृष्ट फरवार्ड विजय युथका विदेशी खेलाडी मार्टिन, उत्कृष्ट मिडफिल्डर रुपेश केसी, गोलरक्षक सरोज भोलन र उत्कृष्ट कोच सुनिल लो घोषित भएका छन् । पदमपोखरीका सुरज विष्ट उत्कृष्ट डिफेन्डर घोषित भए । विधागत उत्कृष्ट सम्पुर्णलाई नगद ५–५ हजार रुपैयाँ प्रदान गरिएको छ ।
