हेटौँडाः हेटौँडा–४ स्थित आकर्षण व्युटी पार्लर एण्ड ट्रेनिङ सेन्टरमा सातदिने हाइड्रा फेसियल तालिम बुधबारबाट सुरु भएको छ । सौन्दर्यकर्मीको सीप अभिवृद्धिका लागि तालिमको आयोजना गरिएको आकर्षण व्युटी पार्लरकी सञ्चालक अस्मिता श्रेष्ठले जानकारी दिनुभएको छ ।
तालिममा १० जना सौन्दर्यकर्मीको सहभागिता रहेको छ । हेटौँडा उपमहानगरपालिकाको एकलाख रुपैयाँ सहयोगमा तालिम आयोजना गरिएको हो । तालिमको उद्घाटन कार्यक्रम वडा अध्यक्ष नवीन सिग्देलको प्रमुख आतिथ्यमा भएको हो ।
