हेटौँडाः हेटौँडा–१२, सिग्रेनीस्थित प्रतिभा आधारभूत विद्यालयमा छात्रवृत्ति वितरण गरिएको छ । शुक्रबार बिहान विद्यालयले छात्रा छात्रवृत्ति ८८ जनालाई र दलित छात्रवृत्ति १६ जनालाई वितरण गरिएको विद्यालयका प्रधानाध्यापक कमल लामाले जानकारी दिनुभएको छ ।
विद्यालय व्यवस्थापन समितिका अध्यक्ष रविकुमार प्रधानको उपस्थितिमा छात्रवृत्ति वितरण गरिएको हो । शिक्षा विकास तथा समन्वय इकाईबाट प्राप्त ३३ हजार २ सय रुपैयाँमा २ हजार रुपैयाँ विद्यालयले नै थप गरेर कुल ३५ हजार २ सय रुपैयाँ छात्रवृत्ति वितरण गरिएको प्रधानाध्यापक लामाले जानकारी दिनुभयो ।
