हेटौँडाः तेश्रो संस्करणको हेटौँडा मेयर कप फुटबल प्रतियोगितामा आज बुधबार एक खेल हुँदैछ । हेटौँडा–५ स्थित पिप्ले–क्याम्पा रंगशालामा हुने आजको खेलमा १८ नम्बर वडा र ४ नम्बर वडाबीच प्रतिस्पर्धा हुनेछ ।
दुई वडाबीचको खेल दिउँसो २ बजे सुरु हुनेछ । आजको विजयी टिमले आइतबार क्वाटरफाइनल खेलमा १५ नम्बर वडासँग खेल्नेछ । १५ नम्बर यसअघि ३ नम्बर वडालाई हराउँदै क्वाटरफाइनल प्रवेश गरिसकेको छ ।
प्रतियोगितामा हेटौँडा उपमहानगरका १९ वडाको सहभागिता रहेको छ । प्रतियोगिताको विजेताले नगद २ लाख, उपविजेता १ लाख ५० हजार, सेमीफाइनलमा पराजित हुने २ वटा टिमलाई ५०/५० हजार रुपैयाँ प्राप्त गर्नेछ । सर्वोत्कृष्ट खेलाडीलाई १५ र उत्कृष्ट खेलाडीहरुलाई ५/५ हजार रुपैयाँ नगदसहित शिल्ड एवम् मेडल पुरस्कार रहेको आयोजकले जनाएको छ ।
