हेटौँडाः हिमालय रोडिज सिजन ५ को प्रि अडिसन आइतबार हेटौँडामा भएको छ । अडिसनमा ३० जनाको सहभागिता रहेको थियो । रोडिजका निर्णायक सुरजसिंह ठकुरी, लाहुरे, अनुप बिक्रम शाही, दिया मास्के र प्रियंका कार्की हेटौँडा आउनुभएको थियो । प्रिअडिसनमा पहिलो पटक सवै निर्णायक हेटौँडामा आएका हुन् ।
रोडिजको प्रि–अडिसन सुरु गर्नुअघि यामाहा शोरुमबाट मोटरसाइकल ¥याली निकालिएको थियो । र्यालीपछि सबै रोडिजका निर्णायकहरुले यामाहा शोरुममा रे जेडआर १२५ हाइब्रिड लञ्च गरेका थिए । हेटौँडामा रोडिजको यो तेस्रो अडिसन हो । रोडिजमा निर्णायक लाहुरेले बोल्ने पनि र गर्ने पनि दुबै गुण भएको रोडिज आवश्यक भएको भनेका छन् । प्रियंकाले भने रोडिजको पाँचौं सिजनमा नयाँको पालो आएको बताइन् । सहभागीमध्ये अघिल्लो चरणमा सहभागी हुन छनिने सहभागीलाई टेलिफोनमार्फत जानकारी गराइने बताइएको छ ।
