हेटौंडाः ईद उल फित्रको अवसरमा हेटौंडाका मुस्लिम युवाले आज राहत वितरण गरेको छ । ८० मुस्लिम परिवार र ४० गैरमुस्लिम परिवारलाई आज राहत वितरण गरिएको समीम खानले जानकारी दिनुभयो । मुस्लिम समुदायको इद उल फित्रअघि अहिले रमजानको व्रत जारी छ । यस अवधिमा लकडाउनका कारण विपन्न समुदायलाई समेत खाद्यान्नको अभाव नहोस् भनी राहत वितरण गरिएको खानले जानकारी दिनुभयो ।
अख्तर हुसेनको अध्यक्षता तथा हेटौंडा उपमहानगरपालिकाकी उपमेयर मीनाकुमारी लामाको प्रमुख आतिथ्यतामा राहत वितरण कार्यक्रम भएको हो । मुस्लिम परिवारलाई खाद्यान्न सामग्रीसँगै नगद एक हजार रुपैयाँ समेत वितरण गरिएको थियो । राहत वितरणका लागि चामल हेटौंडा रिसोर्टले उपलब्ध गराएको समीम खानले जानकारी दिनुभयो ।
