हेटौंडाः रोटरी क्लब अफ मकवानपुरको पाँचौं स्थापना दिवस मंगलबार मनाइएको छ । क्लबका अध्यक्ष रामेश्वर श्रेष्ठको अध्यक्षतामा क्लबका पदाधिकारीहरुको उपस्थितिमा स्थापना दिवस मनाइएको हो । सीमित संख्यामा सहभागीहरुबीच भौतिक दुरि कायम गरी क्लबको स्थापना दिवस मनाइएको क्लबका निर्वाचित अध्यक्ष कविन सांगामीले जानकारी दिनुभयो ।
सामाजिक सेवाको क्षेत्रमा क्रियाशील रहने रोटरी क्लब अन्तर्राष्ट्रिय स्वयमसेवी संस्था हो । रोटरी क्लब अफ मकवानपुरले हेटौंडास्थित चुरेहिल अस्पतालमा डायलासिस मेसिन स्थापना गरेको छ । क्लबको स्थापना दिवसको अवसरमा क्लबका विगतका गतिविधिको समीक्षा गर्नुका साथै आगामी योजनाका बारेमा पनि छलफल भएको थियो ।
