हेटौंडाः काभ्रे जिल्लाको पनौती नगरपालिका–८, मल्पीमा एकजना मानिस मृत फेला परेका छन् । मृत फेला पर्नेमा ओखलढुङ्गा जिल्ला घर भई हाल मल्पी बस्ने ४० वर्षीय राज कुमार विसुन्खे रहेको बागमती प्रदेश प्रहरी कार्यालय हेटौंडाले जानकारी दिएको छ ।
विसुन्खे आइतबार बिहान ५ बजेको समयमा खेतमा पानी लगाउन गएकोमा ७ बजेर २० मिनेटको समयमा खेतमा मृत फेला परेका थिए । शव पोष्टमार्टमका लागि धुलिखेल अस्पताल लगिएकोमा पोष्टमार्टम पश्चात शव आफन्तले बुझी लगेको प्रहरीले जनाएको छ ।
