हेटौंडाः हेटौंडा–२ स्थित सिद्धार्थ माध्यमिक विद्यालयमा शनिबार अभिभावक भेला भएको छ । भेलामा पूर्वप्रधानाध्यापक, पूर्वअध्यक्ष, चन्दादाता र अभिभावकको उपस्थिति रहेको विद्यालयका सहायक प्रधानाध्यापक तथा सूचना अधिकारी रामशरण अधिकारीले जानकारी दिनुभयो ।
कार्यक्रममा हेटौंडा उपमहानगरपालिकाका उपप्रमुख राजेश बानियाँको प्रमुख आतिथ्य रहेको थियो । हेटौंडा उपमहानगरपालिका शिक्षा विकास महाशाखाका अधिकृत रमेश बिडारी र विद्यालय व्यवस्थापन समिति अध्यक्ष बलराम घिमिरेको उपस्थिति रहेको अधिकारीले बताउनुभयो । भेलामा नयाँ शैक्षिक सत्रको शैक्षिक गतिविधि र योजना निर्माणका बरेमा छलफल गरिएको छ ।
अभिभावकहरु विद्यालयप्रति सकारात्मक रहेको र विद्यालयको योजनामा खुशी व्यक्त गर्नुभएको अधिकारीले बताउनुभयो । विद्यालयका प्रधानाध्यापक मोहनप्रसाद शर्माले विद्यालयको प्रगति विवरणका साथै भावी कार्ययोजना पेश गर्नुभएको थियो । भेलामा शिक्षक अभिभावक संघ अध्यक्ष एवम् २ नम्बर वडा सदस्यलगायतले मन्तव्य व्यक्त गर्नुभएको थियो ।
