हेटौंडाः यस वर्षको एसईई सकिएको छ । आइतबार ऐच्छिक द्वितीय विषयको परीक्षा सकिएसँगै एसईई सकिएको हो । यस वर्ष एसईईमा देशभरबाट ५ लाख १६ हजार ५ सय ९१ जना विद्यार्थीले परीक्षामा सहभागी हुन फारम भरेका थिए ।
मकवानपुर जिल्लामा एसईईमा ६ हजार २ सय ४६ विद्यार्थीले फारम भरेका मध्ये एक सय २६ जनाले परीक्षामा सहभागी जनाएका छैनन् । मकवानपुर जिल्लामा एसईईका लागि २५ वटा परीक्षा केन्द्र निर्धारण गरिएको थियो । शान्तिपूर्ण वातावरणमा परीक्षा सम्पन्न भएको छ ।
