हेटौंडाः हेटौंडा–१८, भोर्लेस्थित जंगबहादुर गुरुङको घर जलेर नष्ट भएको छ । शुक्रबार दिउँसो साढे ३ बजेको समयमा घर नजिकैको बाँसको झाङमा लगाएको आगो सल्किएर गुरुङको घर नष्ट भएको हो ।
१८ नम्बर वडा सदस्य योगराज खतिवडाका अनुसार पराल राखिराखेको दुई तल्ले काठको घर आगोले नष्ट भएको छ । आवासका लागि प्रयोग नगरिएको हुनाले मानवीय क्षति भने नभएको वडा सदस्य खतिवडाले बताउनुभयो । स्थानीय युवा र हेटौंडा उपमहानगरपालिकाको बारुणयन्त्रले करिब १ घण्टामा आगो नियन्त्रणमा लिन सफल भयो ।
