हेटौंडाः हेटौंडा खानेपानी व्यवस्थापन बोर्डले काउण्टर संचालन गर्ने भएको छ । बोर्डबाट खानेपानीको महशुल संकलन लगायत नियमित कार्यहरु स्वास्थ्य तथा जनसङ्ख्या मन्त्रालयबाट जारी स्वास्थ्य सम्बन्धी प्रोटोकल पालना गर्दै संचालन गर्ने बोर्डले जनाएको छ ।
यहि बैशाख २८ गते आइतबारबाट बिहान ६ बजेदेखि बिहान १० बजेसम्म काउण्टर संचालन गर्ने भएको हेटौंडा खानेपानी व्यवस्थापन बोर्डका कार्यकारी निर्देशक सुदर्शन ढकालले बताउनुभयो । साथै बोर्डले उपभोक्ताहरुलाई सहजका लागि अनलाईन मार्फत खानेपानी महशुल भुक्तानी गर्न आग्रह गरेको छ ।
