हेटौंडाः मकवानपुरको कैलाश गाउँपालिकाकामा भोलि शनिबारबाट सुरु हुने पहिलो संस्करणको उपाध्यक्ष कप पुरुष भलिबल प्रतियोगिताको खेल तालिका सार्वजनिक भएको छ । आयोजकले शुक्रबार खेल तालिका सार्वजनिक गरेको छ ।
प्रतियोगिताका संयोजक एवम् कैलाश खेलकुद विकास समितिका अध्यक्ष मोहन वाईबाका अनुसार कैलाश–३, कालिकाटारमा हुने प्रतियोगिताको उद्घाटन खेलमा २ नम्बर वडा र ८ नम्बर वडाबीच प्रतिस्पर्धा हुनेछ । खेल दिउँसो १ बजे सुरु हुनेछ । शनिबार नै १ नम्बर वडा र ९ नम्बर वडाबीच, ४ नम्बर र १० नम्बर वडाबीच प्रतिस्पर्धा हुनेछ । शनिबार ६ खेल हुनेछ ।
आइतबार क्वाटरफाइनलका खेलहरु र सोमबार बिहान सेमिफाइनल तथा दिउँसो फाइनल खेल सञ्चालन हुनेछ । लिगकम नकआउटका आधारमा खेलाइने प्रतियोगिताको फाइनल खेल २० गते हुने कैलाश गाउँपालिका खेलकुद विकास समितिका सदस्य रवीन्द्र थिङले बताउनुभयो । प्रतियोगिताको विजेता टिमले नगद ६० हजार रुपैयाँसहित शिल्ड, मेडल तथा प्रमाणपत्र प्राप्त गर्नेछ भने उपविजेता टिमले नगद ४० हजार रुपैयाँ प्राप्त गर्नेछन् । यस्तै, तृतीय हुने टिमले २० हजार र सान्त्वना हुने वडाले नगद १० हजार रुपैयाँ प्राप्त गर्नेछन् ।
