हेटौंडाः नेपाल पत्रकार महासंघको ६८ औं स्थापना दिवसको अवसरमा हेटौंडामा प्रभातफेरीको आयोजना गरिएको छ । बिहीबार बिहान हेटौंडामा प्रभातफेरीको आयोजना गरी सीमाचोकमा कोणसभामा परिणत भएको थियो ।
प्रभातफेरीमा नेपाल पत्रकार महासंघका पूर्व केन्द्रीय सदस्य एवम् मकवानपुर जिल्लाका पूर्वअध्यक्ष प्रताप विष्ट, नेपाल पत्रकार महासंघ मकवानपुरका पूर्वअध्यक्षहरु राममणि दाहाल, भानुभक्त आचार्य, निवर्तमान अध्यक्ष हरिप्रसाद हुमागाई लगायतको उपस्थिति रहेको थियो । सीमाचोकबाट सुरु भएको प्रभातफेरी बुद्धचोक पुगेर पुनः सीमाचोकमा फर्किएर कोणसभालाई नेपाल पत्रकार महासंघ मकवानपुर जिल्ला शाखाका कार्यवाहक अध्यक्ष ध्रुब अधिकारीले सम्बोधन गरेर समापन गरिएको थियो ।
