हेटौंडाः हेटौंडा उपमहानगरपालिका–१३, स्थित ठाडोटोलमा लागुऔषधसहित एकजनालाई प्रहरीले पक्राउ परेको छ । पक्राउ पर्नेमा ठाडोटोलका २१ बर्षीय बिनोद स्याङ्तान रहेको बागमती प्रदेश प्रहरी कार्यालय हेटौंडाले जानकारी दिएको छ ।
विशेष सूचनाको आधारमा बुधबार दिउँसो २ बजेको समयमा प्रहरीले स्याङ्तानको घरमा खानतलासी गर्दा लागूऔषध नाईट्रोभेट ३१ पिस ट्याब्लेट, ट्रामाडोल ९० पिस ट्याब्लेट र डाईजेपाम १ एम्पुल बरामद भएको प्रहरीले जानकारी दिएको छ । लागुऔषधसहित स्याङ्तानलाई नियन्त्रणमा लिई थप अनुसन्धान भइरहेको प्रहरीले जानकारी दिएको छ ।
