हेटौंडाः ब्रेन विल्डर्स एजुकेशन होम (होस्टल) ले माध्यमिक शिक्षा परीक्षा (एसईई) मा सहभागी हुने विद्यार्थीलाई बुधबार बिदाई गरिएको छ । होस्टलका संचालक आर्यन झाको सभाध्यक्षता तथा हेटौंडा–२ का वडाध्यक्ष विष्णुगोपाल महर्जनको प्रमुख आतिथ्यमा बिदाई कार्यक्रम भएको हो ।
एसईईमा सहभागी हुने पाँचौ समूहको रुपमा होस्टलले ४८ जना विद्यार्थीलाई बिदाई गरेको हो । बिदाई हुँदै गरेका विद्यार्थीलाई होस्टलले मायाको चिनो प्रदान गरेको छ । होस्टलमा १ सय ४० जना विद्यार्थी बस्दै आएका छन् । कार्यक्रममा हेटौंडा स्कूल अफ म्यानेजमेन्टका प्रिन्सीपल पुरनबहादुर जोशीको विशिष्ट आतिथ्य रहेको थियो । यस बर्षको एसईई चैत १७ गते शुक्रबारदेखि सुरु हुँदैछ ।
