हेटौंडाः बागमती प्रदेशको नीति तथा योजना आयोगको उपाध्यक्षमा सिन्धुली जिल्लाका प्रा.डा. नरबिक्रम थापा नियुक्त हुनुभएको छ । बुधबार बसेको प्रदेश मन्त्रीपरिषद् बैठकले थापालाई आयोगको उपाध्यक्ष नियुक्त गर्ने निर्णय गरेको हो ।
यस्तै प्रदेश सरकारको प्रवक्ताको जिम्मेवारी आन्तरिक मामिला तथा कानून मन्त्री गंगा नारायण श्रेष्ठलाई दिने निर्णय पनि बुधबारको मन्त्रीपरिषद् बैठकले गरेको छ । प्रदेश सरकारले २०८० बैशाख १ गतेबाट मातहतका सरकारी कार्यालयहरुमा विद्युतीय हाजिरी लागू गर्ने निर्णय गरेको छ भने न्वागी र लदी पर्वको अवसरमा समुदायगत रुपमा बिदा दिने निर्णय गरेको छ ।
