हेटौंडाः मकवानपुर पार्टी प्यालेस तथा क्याटरिङ व्यवसायी संघ मकवानपुरको दोस्रो साधारण सभाबाट दीपक प्रसाद सुवेदीको अध्यक्षतामा नयाँ समिति चयन भएको छ । शनिबार हेटौंडामा सम्पन्न अधिवेशनबाट सुवेदीको अध्यक्षतामा १३ सदस्यीय समिति सर्वसम्मत निर्वाचित भएको छ ।
समितिको उपाध्यक्षमा ज्ञानेन्द्र अधिकारी, महासचिवमा चेतनाथ सापकोटा, सचिवमा मदन पोखरेल र कोषाध्यक्षमा हिरा पौडेल चयन हुनुभएको छ । यस्तै सदस्यमा ध्रुवप्रसाद अधिकारी, विष्णुप्रसाद अर्याल, राजेश मानन्धर, गोकर्ण पुडासैनी, प्रमोद उप्रेती, छत्रप्रसाद अधिकारी, पारशमणि थिङ र रिजन बर्तौला निर्वाचित हुनुभएको छ ।
साधारणसभाको उद्घाटन कार्यक्रम निवर्तमान अध्यक्ष कविता कुमारी अधिकारीको अध्यक्षता तथा संविधान सभा सदस्य शेरबहादुर पहरीको प्रमुख आतिथ्य रहेको थियो । कार्यक्रममा हेटौंडा–१३ का अध्यक्ष पेम्बा लामाको पनि आतिथ्य रहेको थियो । नवनिर्वाचित समितिको कार्यकाल २ वर्षको हुनेछ ।
