हेटौंडाः हेटौंडा–१५ स्थित रातोमाटेमा लागूऔषधसहित दुई जना पक्राउ परेका छन् । पक्राउ पर्नेमा रौतहट जिल्लाको राजपुर फरदहवा नगरपालिका–४ का २२ वर्षीय महमद दहमिद र सोहि स्थानका २० वर्षीय उमेश मन्सुरी रहेको बागमती प्रदेश प्रहरी कार्यालय हेटौंडाले जानकारी दिएको छ ।
बुधबार राती १० बजेर ३० मिनेटको समयमा गौरबाट हेटौंडातर्फ आउँदै गरेको प्रदेश २–०३–०२० प ६८६२ नम्बरको मोटरसाईकल नियन्त्रणमा लिई सुरक्षाजाँच गर्ने क्रममा उनीहरुको साथबाट लागुऔषध गाँजा ७ प्याकेट १० ग्राम, नाईट्रोभेट १८ पिस, कोरेक्स १०० मिलिलिटर १ बोतल फेला पारेको प्रहरीले जनाएको छ । लागूऔषतसहित दुबै जनालाई नियन्त्रणमा थप अनुसन्धान भई रहेको प्रहरीले जनाएको छ ।
