हेटौंडाः हेटौंडा–४ का निरज सिंह ठकुरीले आफ्नो जन्मदिनमा आफूले विद्यालय शिक्षा हासिल गरेको विद्यालयलाई सीसी क्यामरा सहयोग गर्नुभएको छ । फागुन १३ गते शनिबार जन्मदिनको अवसर पारेर ठकुरीले श्रमिक माविलाई ४ थान सीसी क्यामरा सहयोग गर्नुभएको हो ।
३५ हजार लागतको क्यामेरा ठकुरीले विद्यालय व्यवस्थापन समितिका अध्यक्ष विवेक काकी र विद्यालयका प्रधानाध्यापक श्रीराम दाहाललाई हस्तान्तरण गर्नुभयो । आइतबार विद्यालय खुलेको दिन विद्यालयमै पुगेर ठकुरीले सीसी क्यामरा हस्तान्तरण गर्नुभएको हो । ठकुरीले हस्तान्तरण गर्नुभएको क्यामेरा प्रारम्भिक बालविकास कक्षामा जडान गरी अभिभावकलाई पनि सीसी क्यामेराको पहूँच उपलब्ध गराइने अध्यक्ष कार्कीले बताउनुभएको छ ।
विद्यालयले प्राप्त गरेको सीसी क्यामरा जडानको कार्य सुरु भएको अध्यक्ष कार्कीले जानकारी दिनुभएको छ । प्रारम्भिक बालविकास कक्षाका बालबालिकाका बारेमा अभिभावकले घरमै बसेर मोबाइलबाट हेर्न सकिने भएपनि अभिभावकले आफ्ना बाबुनानीलाई ढुक्क भएर विद्यालय छाड्ने वातावरण बन्ने विश्वास गरिएको छ ।
