हेटौंडाः मकवानपुरको बकैया गाउँपालिका–३, हात्तीसुडेका कृष्ण घिमिरेको चोरी भएको मोटरसाइकल फिर्ता पाएका छन् । मोटरसाइकल चोरी भएको भनी प्रहरीमा उजुरी गरेका घिमिरेले बिहीबार मोटरसाइकल फिर्ता पाएको हो ।
गत माघ २९ गते बकैया–३, हात्तीसुडेस्थित घिमिरेको घरमै पार्किङ गरिराखेको बा प्र ०३-००२ प १५७७ नम्बरको २०० सिसिको पल्सर एनएस मोटरसाइकल चोरी भएको थियो । प्रहरीले खोजतलास गर्ने क्रममा गत सोमबार सर्लाही जिल्लाको बागमती नगरपालिका–१, डाबडाँडाबाट बरामद गरेको थियो । प्रहरीले मोटरसाइकल चोरीमा संलग्न भएको आरोपमा दुईजनालाई पक्राउ समेत गरेको छ । बिहीबार प्रहरीले घिमिरेको मोटरसाइकल फिर्ता गरेको छ ।
