हेटौंडाः राष्ट्रपति रनिङशिल्ड पालिकास्तरीय खेलकुद प्रतियोेगिता राक्सिराङमा मंगलबारबाट सुरु भएको छ । राक्सिराङ गाउँपालिका–३, सरिखेतस्थित सूर्योदय मावि परिसरमा मंगलबार सुरु भएको प्रतियोगिता आज बुधबारसम्म चल्नेछ । गाउँपालिका अध्यक्ष राजकुमार मल्लको प्रमुख आतिथ्यमा प्रतियोगिताको उद्घाटन समारोह भएको थियो ।
यस्तै आज बुधबारबाट मनहरी गाउँपालिकामा पालिकास्तरीय राष्ट्रपति रनिङशिल्ड खेलकुद प्रतियोगिता सुरु हुँदैछ । मनहरीमा भोलि बिहीबार पालिकास्तरीय छनोट प्रतियोगिता सकिने छ । पालिकास्तरीय प्रतियोगितामा उत्कृष्ट खेलाडीलाई जिल्लास्तरीय प्रतियोगितामा सहभागी गराइनेछ । जिल्ला, प्रदेश हुँदै राष्ट्रिय प्रतियोगिता आयोजना हुनेछ । मकवानपुर जिल्लामा जिल्लास्तरीय राष्ट्रपति रनिङशिल्ड खेलकुद प्रतियोगिता यही फागुन ६ र ७ गते हुँदैछ । जिल्लास्तरीय प्रतियोगिता हेटौंडा–४, हुप्रचौरमा हुनेछ ।
